کہیں ایک اور " بھٹو " تو " ان دی میکنگ " نہیں ؟

کہیں ایک اور " بھٹو " تو " ان دی میکنگ " نہیں ؟ بلاول بھٹو کے ایک بیان نے ایسا جکڑا ، ایسا پکڑا کے بلاول کے نا نا شہید ذوالفقار علی بھٹو یاد آ گئے . باباۓ قوم کے بعد اگر کسی کو خوبصورت جملہ بولنا آتا تھا ، علامتی گفتگو کا ہنر اور سلیقہ تھا تو وہ صرف اور صرف بھٹو صاحب کو ہی تھے ، جن کی تقریریں ، بیانات اور پریس کانفرنسیں نثری نظموں کا سا لطف دیتی تھیں ، باقی تو گامے ماجے ہی تھے . بلاول کے اس تازہ بیان میں پہلی بار بھٹو کی سی چمک اور کھنک محسوس ہوئی ہے ، کوئی اتفاق کرے نہ کرے .....حسن بیان سے انکار ممکن نہیں - بلاول نے کہا " پنجابی سیاستدانوں کو بچانے کیلئے اردو الفاظ کے معنی تبدیل کئیے جاتے رہے تو میرے لئے بہتر اردو سیکھنا مشکل ہو جاۓ گا " کہیں ایک اور " بھٹو " تو " ان دی میکنگ " نہیں ؟ - حسن نثار